վեց տեղակալ ունի
օրական
մեկ տեղակալի ծեծում է
յոթերորդ օրը
քաղաքապետը հանգստանում է
***
Յոթերորդ օրը
քաղաքապետը հանգստանում է
առավոտյան
անոթի
թիկնազորով եկեղեցի է գնում
իր
սեփական եկեղեցին
սեփական աբեղայով
քահանայով և ժամհարով
սեփական հրեշտակապետերի դասով
և զվարթուններով
եկեղեցում
անհամբեր սպասում են
սեփական հավատացյալները
***
Քաղաքապետի պատվերով
քաղաքում
տարեկան
նոր արձան է դրվում
անցյալի
մեր փառապանծ արքանների
նախարարների իշխանների
զորավարների գիտնականների արձանները
առեղծվածային կերպով
բոլորը
հետագայում նմանվում են
քաղաքապետին
***
Ով
դեմ է ինձ
պարսավում
քննադատում է ինձ
սատանայի որդի է
սիրում է կրկնել
աստվածաբան
աստվածավախ
քաղաքապետը
***
Մովսեսը
քառասուն տարի
իր ժողովրդով
անապատում եղավ
որ հրեան
հրեա դառնա
ինձ
իմ որդիներիս
հարազատներիս ընկերներիս
և քաղաքիս
այդքան ժամանակ է պետք
որ քաղաքը
քաղաք դառնա
Комментариев нет:
Отправить комментарий